•    خضار بالزيت
    •    المكونات:
باذنجان عدد ٢
بطاطا عدد ٢
كاسة شاي زيت زيتون
بصلة
جزر عدد ٢
فليفلة عدد ٢
٥ سنون ثوم 
فاصوليا
ملعقة من الملح
بابريكا
بندورة عدد ٣
تلت رباع كاسة ماء

    •    طريقة التحضير:
نقشر الباذنجان ونقطعه إلى مكعبات نضعهم بماء بارد ونضيف عليهم نصف ملعقة من الملح ونتركهم لمدة ١٠ دقائق

وبعدها نصفيهم. وهلأ نحمي الزيت وبعدها نضيف عليه الباذنجان ونقليه نصف قلية بعدها نصفيهم ونتركهم على طرف 
بعدها ننزل ع الزيت البطاطا المقطعة إلى مكعبات كمان نقليها نصف قلية بعدها نصفيها ونتركهم على طرف
وهلأ نجيب طنجرة نضيف كاسة شاي زيت زيتون بس يحمى الزيت نضيف عليه بصلة مقطعة ونقليهم سوا تنركهم لمدة دقيقتين بعدها ننزل الجزر مقطع الى مكعبات نتركها لمدة دقيقة بعدها نضيف الفليفلة المقطعة ونحمصهم سوا ونضيف ٥ سنون من الثوم شرائح فاصوليا خضرة ملح بابريكا وبعد ما نحمصهم منيح نضيف عليهم بندورة مقطعة وبعدها نضيف البطاطا والباذنجان وتلت رباع كاسة ماء نقلبهم سوا
… وهلأ نغطيهم نتركهم على نار وسط لمدة نصف ساعة لحتى تستوي.. 
وهلأ صحتين وهنا🤍