كبة بالصينية 
    •    المكونات:
زيت نباتي
لحمة
بصلة كبيرة مبشورة 
نصف ملعقة من ٧ بهارات
ملعقة من الملح
جوز
فستق حلبي
٣ كاسات ونصف برغل عمقي غامق
نصف كاسة برغل كاشف 

 طريقة تحضير حشوة الكبة: منجيب طواي منضيف عليها زيت نباتي ولحمة وبصلة كبيرة مبشورة و نصف ملعقة من ٧ بهارات وملعقة ملح ونتركهم ع النار حتى تستوي اللحمة لمدة ٤ دقائق بعدا منطفي النار ومنضيف عليهن جوز وفستق حلبي ومنتركهم حتى تبرد الحشوة بشكل كامل منضيف هبرة مشان تمسك الحشوة…
طريقة تحضير الكبة: منجيب صحن منحط عليه ٣ كاسات برغل عمقي غامق ونصف كتسة برغل كاشفة ومنخلطهم سوا بعدا منغسل البرغل ومنصفي من الماء ومنعيف البرغل يرتاح ربع ساعة..
 وهلأ بعد مارتاح البرغل منضيف عليه بصلة كبيرة مقطعة و نصف ملعقة من الكمون نصف ملعقة من البهار الأسود و ملعقة وربع ملح ومنضيف عليها نصف كاسة ماء وهلأ منديرها عالماكينة دورين .. والدور التالت منضيف عالبرغل ٦٠٠ غرام من الهبرة ومنخلطهم سوا وبعدا مندير عالماكينة.. ومنرجع منديرهم رابع دور عالماكينة حتى تنعم الكبة
 وهلأ بعد ماخلصنا منحط للبرغل شوية ماء ومندعكهم سوا ..
منجيب صينية ومنجيب سمنة منحط( نص نباتي ونص حيواني) مندهن السمنة بالصينية 
وهلأ منجيب نايلون منرش النايلون شوية ماء ومنجيب البرغل ومنسكر النايلون ع البرغل ومنمد بالشوبك وبعدا منقسم الكبة ع قد الصينية ومنحطها بالصينية منضغطها منيح وهلأ منزل الحشوة بالصينية ومنرجع منعمل طبقة برغل متل الأولى ومنمدها فوقهم وهلأ منجيب سكينة منحطها بالماء وبعدا منقسم الكبة ومنزين الكبة ب لوز او الفستق الحلبي ومنحط سمنة عالوجه ..
 وهلأ منحط الصينية بالفرن حتى تستوي ع درجة حرارة ١٨٠.. وهيك منكون خالصين..