•    معروك
    •    المكونات:
220 غرام من الماء الساخن درجة حرارة 50
15 غرام خميرة جافة
60 غرام سكر
نصف كيلو طحين
بيضة
5 غرامات محلب
35 غرام سمنة
2 غرام مُحسن
رشة ملح

    •    طريقة التحضير :
نضع المكونات كلها بالعجانة لمدة 12 دقيقة بس تخلص نطالع العجينة وندهنها بزيت ونغطيها لمدة 20 دقيقة ..

    •    حشوة جوز الهند:  100 غرام كريمة نضيف عليها ملعقة ونصف سكر   و 40 غرام زبيب  50 غرام جوز الهند ونخلطهم سوا ونتركهم لمدة ربع ساعة…

    •    حشوة الموز: 330 غرام حليب بارد
 100 غرام كريم باتسيير .. ونحركهم سوا لمدة 5 دقائق بعدا نضيف عليهم موزة مهروسة ونكمل تحريك ونضيف شوي من  أصنص الموز وشوية فانيلا ونحركهم ..

    •    حشوة الشوكولا: 100 غرام شوكولا بالحليب نضيف عليها 100 غرام نوتيلا ونخلطهم سوا ..

نجيب العجينة ناخد من العجينة 4 قطع
كل قطعة وزنها 90 غرام
ونرجع نغطي العجينة حتى ماتنشف 
نفتح العجينة بالطول كل قطعة من العجينة وبعدها نصفّهم جنب بعض ع شكل الضفرة الرباعية 
ونضفرهم سوا
ندهن الضفرة بخليط البيض والحليب ونحط العجينة بالسمسم حتى تصير الضفرة كلها سمسم وبعدها عالتخمير…

نحضر العجينة المتبقية.. ونقسمها إلى قطع كل قطعة وزنها 75 غرام
نعملهم ع شكل دوائر .. طلع عنا 7 قطع نغطيهم بقماشة لمدة ربع ساعة 
نجيب صينية ونجيب رينغ مدهون من الجوانب سمنة حتى تأخد العجينة لون حلو
نجيب العجينة ونفتحها ونحط حشوة جوز الهند بالنص ونسكرها متل السمبوسك بعدها ندورها ع شكل طابة وبس نخلص ندهن الطابات الموجودة بالبيض والحليب ونضعهم بالسمسم ونصفّهم بالرينغ وعالتخمير
..نرجع نجيب العجينة الموجودة عنا الوزن 900 غرام نقسمها ل 4  أقسام نعمل الأقسام ع شكل دوائر ونغطيهم لمدة ربع ساعة ..
نرش طحين نجيب العجينة نفتح العجينة بشكل دائري بالشوبك نحط حشوة الموز بالنص وندهن الأطراف بالبيض والحليب. نجيب العجينة الثانية ومنحطها فوقها ونحطها بالصينية وندهن الوجه بيض وحليب ونرش سمسم عالوجه  وعالتخمير…
نرجع نجيب العجينة نفتحها ع شكل مطاول بالشوبك ونحط حشوة الشوكولا بالنص وندهن العجينة من الأطراف بيض وحليب ونحط طبقة العجينة الثانية فوقها ونزبطها ونحط العجينة بالصينية ونرجع ندهن الوجه بالبيض والحليب ونرش ع الوجه سمسم وعالتخمير

… وهلأ بالنسبة للفرن نحط طنجرة ماء ساخن من تحت والصينية من فوق والفرن مطفي حتى يتضاعف حجم العجينة(كرمال التخمير)
بعدها نحمي الفرن ع درجة حرارة  180 نتركهم بالفرن لمدة 20-25 دقيقة 
وبس يخلص المعروك من الفرن نبخ المعروك ماء وندهن المعروك بالقطر …