•    كنافة بين النارين
    •    المكونات:
2 لتر حليب
100 غرام حليب بودرة 
200 غرام سميد ناعم
80 غرام نشا
ملعقة من الفانيلا
ماء زهر
ملعقة زبدة حيواني
كيلو كنافة
300 غرام سمنة

    •    طريقة التحضير:
القشطة: نحضر طنجرة ننزل عليها الحليب العادي وحليب البودرة والسميد والنشا والفانيلا نحرك عالبارد حتى يذوب النشا وبس يذوب النشا نشغل النار عالطنجرة ونضل عم نحرك حتى يغلي ونتركها عالنار لمدة ٤ دقائق بعدا نطفي النار ونحط ماء زهر نضيف عليهن ملعقة زبدة حيواني ونحرك لبين ماتذوب بعدا نتركها تبرد 

نحضر صينية نفرم الكنافة
نمد السمنة عالصينية وبعدها نوزع الكنافة فوقها نجيب كيس نغطي الكنافة فيه ونكبسها كتير منيح بعدها نوزع القشطة فوق الكنافة نرجع نضيف الكنافة فوق القشطة بعدها نرش سمنة ذوبانة فوقهم ونغطيهم بالنايلون 
نحمي الفرن من تحت ونحط صينية الكنافة بالأرضية ع درجة حرارة220
نغطي وجه صينية الكنافة بشي كرمال ما ينشف الوجه تقريباً رح يضل بالفرن لمدة نصف ساعة 
بعدها نطالع الصينية ونقلبها عالطرف التاني
ونجيب قطر دافئ ونصبه فوق الكنافة وتنركها ترتاح ربع ساعة ..