كبة بلبنية
مجاني
كبة لبنية
• المكونات:
(سلق اللحمة)
زيت نباتي
لحمة
نصف بصلة
جزر
كرافس
زنجبيل فريش
ورق غار
حب هال
قرنفل
فلفل اسود
• الحشوة:
زيت نباتي
لحمة
بهارات
ملح
جوز مفروم
• الكبة:
نص كيلو برغل (ربع كيلو عمقي وربع كيلو كاشف)
بصلة صغيرة
تلت رباع ملعقة من الملح
ربع ملعقة من الكمون
نصف ملعقة من البهار الاسود
٣٠٠ غرام من الهبرة
• اللبنية:
فنجانين من الرز
سطلين من اللبن
ملعقتين من النشا
كاسة ماء بارد
مرقة اللحم الساخنة
٢ مُكعب ماجي
معلقة كبيرة من الملح
• طريقة التحضير:
منحط زيت بالطنجرة ومنحمص اللحمة شوي بعدا منضيف عليهن الماء .. بعد ماتفور الماء.. منغير ماء اللحمة منحط ماء نضيفه عالحمة منرجع منغليهم ومنضيف عليهن نص بصلة قطع جزر و كرابس زنجبيل فريش ورق غار حب هال قرنفل فلفل اسود حب.. ومنعيفها تنسلق لمدة ساعة ونصف ..ساعتين و آخر شي منضيف نصف ملعقة من الملح ومنعيفها ١٠ دقائق .. بعدا منطفي عليها..
• طريقة تحضير الحشوة:
منحط زيت وبس يحمى الزيت منضيف اللحمة منسف اللحمة شوي ومنضيف عليها ٧ بهارات نصف ملعقة ملح ومنعيفها عالنار لحتى تستوي اللحمة وبس تخلص اللحمة وتنشف المياه الموجودة فيها بشكل كامل منضيف عليها الجوز المفروم ومنطفي تحتها ومنعيفها لتبرد…
• طريقة تحضير الكبة:
منضيف عالبرغل الماء البارد ومنعيفهم لمدة دقيقتين وبعدا منصفي البرغل من الماء وبعدا منترك البرغل لمدة ربع ساعة وبعدا منضيف عليهن بصلة صغيرة تلت رباع ملعقة ملح ربع ملعقة من الكمون نصف ملعقة من البهار الأسود ومنخلطهم سوا ومنديرهم عالماكينه دورين بلا هبرة .. والدور الثالت مع (هبرة) قبل مانحط البرغل بالماكينه منرش البرغل ماء بارد جداً رشة خفيفة
وبس نخلص مندعك العجينة كتير منيح ومنشوف اذا ناقصه ماء منرش شوي من الماء ومنضل مندعك حتى تصير متل المرهم وبعدا منغطيها ومنريحه بالبراد لمدة نصف ساعة… هلأ منجيب البرغل ومنعملو ( شكل مدعبلة وشكل لوزية) ومنحشيهم من الحشوة يلي حضرناها
… منجيب ماء باردة ومنضيف عليها ملعقة من النشا ملعقة من الملح و ورق غار ومنحرك عالبراد حتى يذوب النشا بعدا منحطو عالنار حتى يغلي
وبس يغلي منزل الكبة ومنعيفها تنسلق لمدة ٣ ٤ دقائق وبعدا منشليهم
• طريقة تحضير اللبنية:
اول شي منسلق الرز كل سطل لبن يحتاج الى كاسة من الرز ومنسلق الرز تلت رباع سلق منطفي النار ومنصفي الرز ومنعيفو ع طرف .. منجيب طنجرة ومنحط سطلين لبن وملعقتين من النشا… كل كيلو لبن يحتاج الى ملعقة من النشا
وهلأ منحركهم سوا عالبارد ومنضيف بعدا كاسة ماء بارد ومنحرك عالبارد بعدا منحط اللبن عالنار ومنضل عم نحرك حتى يغلي اللبن وبعد مايغلي منجيب مرقة اللحم تكون ساخنة ومنزلها فوق اللبن ع دفعات وبعدا منضيف ٢ من مكعب الماجي
ومنضيف عليهن الرز ومنضل عم نحرك ومنعيفم عالغلي لمدة ٥ دقائق بعدا منضيف اللحمة عالبن بعدا منوطي النار ومنضيف الكبة عليهن آخر شي منضيف ملعقة كبيرة من الملح …
وآخر شي منجيب طواي منحط زيت نباتي وبس يحمى الزيت منضيف عليه ٥ سنون من الثوم المهروس منحمصهم شوي بعدا منضيف عليهن نعناع وبعدا منصبون فوق اللبنية ومنرجع اللبنية عالنار حتى يفور اللبن فورتين عالخفيف وبعدا منطفي النار…